2022 ព័ត៌មាន អ្នកបោះប្នោត
សំណួរទី4
តើអ្នកយល់ព្រមលើច្បាប់ដែលសង្ខេបខាងក្រោម ដែលត្រូវបានអនុម័តដោយសភាតំណាងរាស្រ្ត និងព្រឹទ្ធសភានៅថ្ងៃទី26 ខែឧសភា ឆ្នាំ2022 ដែរឬទេ?
សេចក្ដីសង្ខេប
ច្បាប់នេះអនុញ្ញាតឱ្យ អ្នករស់នៅរដ្ឋ ម៉ាសាជូសេត (Massachusetts) ដែលមិនអាចផ្តល់ភស្តុតាងនៃវត្តមានស្របច្បាប់នៅក្នុងសហរដ្ឋអាមេរិក ទទួលបានប័ណ្ណបើកបរស្តង់ដា (Standard Driver’s License) ឬ លិខិតអនុញ្ញាតរបស់អ្នកសិក្សា (Learner’s Permit) ប្រសិនបើពួកគេបំពេញតាមលក្ខណៈសម្បត្តិផ្សេងទៀតទាំងអស់ សម្រាប់អាជ្ញាប័ណ្ណស្តង់ដា ឬលិខិតអនុញ្ញាតរបស់អ្នកសិក្សា រួមទាំងការធ្វើតេស្ត[បើកបរនៅលើផ្លូវ] និងការធានារ៉ាប់រង និងផ្តល់ភស្តុតាងជាអត្តសញ្ញាណ ថ្ងៃខែឆ្នាំកំណើត និងទីលំនៅ របស់ពួកគេ។ ច្បាប់ចែងថា នៅពេលដំណើរការដាក់ពាក្យសុំអាជ្ញាប័ណ្ណ ឬលិខិតអនុញ្ញាតរបស់អ្នកសិក្សា ឬការចុះបញ្ជីយានយន្ត មន្ត្រីទទួលបន្ទុកចុះយានយន្ដមិនអាចសួរ អំពីការបង្កើតកំណត់ត្រា អំពីសញ្ជាតិ ឬស្ថានភាពអន្តោប្រវេសន៍ របស់អ្នកដាក់ពាក្យសុំបានទេ លើកលែងតែករណីតម្រូវដោយច្បាប់។ ច្បាប់នេះមិនអនុញ្ញាតឱ្យបុគ្គល ដែលមិនអាចផ្តល់ភស្តុតាង នៃការរស់នៅស្របច្បាប់ នៅក្នុងសហរដ្ឋអាមេរិក ឱ្យទទួលបានអត្តសញ្ញាណប័ណ្ណ ឬប័ណ្ណបើកបរ (REAL ID) ពិតប្រាកដនោះទេ។
ដើម្បីបញ្ជាក់អត្តសញ្ញាណ និងថ្ងៃខែឆ្នាំកំណើត ច្បាប់តម្រូវឱ្យអ្នកដាក់ពាក្យសុំបង្ហាញឯកសារយ៉ាងតិចចំនួន 2 ដែលមួយក្នុងចំណោមប្រភេទឯកសារនីមួយៗ មានដូចតទៅ៖ (1) លិខិតឆ្លងដែនបរទេសដែលមានសុពលភាពមិនទាន់ផុតកំណត់ ឬឯកសារអត្តសញ្ញាណកុងស៊ុលដែលមានសុពលភាពមិនទាន់ផុតកំណត់ និង (2)ប័ណ្ណបើកបរដែលមានសុពលភាពមិនទាន់ផុតកំណត់ ពីរដ្ឋ ឬទឹកដីណាមួយ របស់សហរដ្ឋអាមេរិក ច្បាប់ចម្លងសំបុត្រកំណើត ឬសេចក្ដីចម្លងសំបុត្រកំណើតដែលមានសុពលភាពមិនទាន់ផុតកំណត់ អត្តសញ្ញាណប័ណ្ណសញ្ជាតិបរទេសដែលមានសុពលភាពមិនទាន់ផុតកំណត់ ប័ណ្ណបើកបរបរទេសដែលមានសុពលភាពមិនទាន់ផុតកំណត់ ឬសំបុត្រអាពាហ៍ពិពាហ៍ ឬដីការសម្រេចលែងលះដែលបានចេញ ដោយរដ្ឋ ឬដែនដីណាមួយនៃសហរដ្ឋអាមេរិក។ ឯកសារមួយក្នុងចំណោមឯកសារ ដែលបង្ហាញដោយអ្នកដាក់ពាក្យត្រូវតែមានរូបថត ហើយមួយសន្លឹកត្រូវតែបញ្ចូលថ្ងៃខែឆ្នាំកំណើត។ រាល់ឯកសារដែលមិនមែនជាភាសាអង់គ្លេសត្រូវតែភ្ជាប់មកជាមួយការបកប្រែដែលមានការបញ្ជាក់។ មន្ត្រីទទួលបន្ទុកចុះបញ្ជី អាចពិនិត្យឡើងវិញនូវឯកសារទាំងឡាយដែលចេញដោយប្រទេសមួយផ្សេងទៀត ដើម្បីកំណត់ថា តើពួកវា(ឯកសារ)អាចត្រូវបានប្រើជាភស្តុតាងនៃអត្តសញ្ញាណ ឬថ្ងៃខែឆ្នាំកំណើត បានឬទេ។
ច្បាប់តម្រូវឱ្យអ្នកដាក់ពាក្យសុំប័ណ្ណបើកបរ ឬលិខិតអនុញ្ញាតរបស់អ្នកសិក្សា ត្រូវបញ្ជាក់ថា អាជ្ញាប័ណ្ណរបស់ពួកគេមិនត្រូវបានព្យួរ ឬដកហូតនៅក្នុងរដ្ឋ ប្រទេស ឬយុត្តាធិការណាមួយផ្សេងទៀត ក្រោមដោយមូលហេតុនៃការរងគ្រោះ និងការពិន័យនៃការភូតកុហក(ផ្ដល់សក្ខីកម្មក្លែងក្លាយ) ។
ច្បាប់កំណត់ថា ព័ត៌មានដែលផ្តល់ដោយ ឬទាក់ទងនឹងអ្នកដាក់ពាក្យសុំ ឬអ្នកកាន់អាជ្ញាប័ណ្ណណាមួយនឹងមិនមែនជាកំណត់ត្រាសាធារណៈ ហើយមិនត្រូវបង្ហាញឡើយ លើកលែងតែករណីតម្រូវដោយច្បាប់សហព័ន្ធ ឬ តាមការអនុញ្ញាតដោយ បទប្បញ្ញត្តិអំពីមន្រ្ដីទទួលបន្ទុកផ្នែកច្បាប់ប្រចាំរដ្ឋ (Attorney General Regulations) និងលើកលែងតែសម្រាប់គោលបំណង នៃការធានារ៉ាប់រងយានយន្ដ។
ច្បាប់នេះណែនាំអ្នកចុះបញ្ជីយានយន្តឱ្យបង្កើតបទប្បញ្ញត្តិទាក់ទងនឹងឯកសារដែលត្រូវការរបស់ពលរដ្ឋសហរដ្ឋអាមេរិក និងអ្នកផ្សេងទៀតដែលផ្តល់ភស្តុតាងនៃវត្តមាន ស្របច្បាប់ជាមួយនឹងពាក្យសុំអាជ្ញាប័ណ្ណរបស់ពួកគេ។
ច្បាប់នេះក៏តម្រូវឱ្យមន្ដ្រីទទួលបន្ទុកចុះបញ្ជី និងលេខាធិការនៃរដ្ឋ Commonwealth បង្កើតនីតិវិធី និងបទប្បញ្ញត្តិនានា ដើម្បីធានាថា អ្នកដាក់ពាក្យសុំប័ណ្ណបើកបរស្តង់ដា ឬលិខិតអនុញ្ញាតរបស់អ្នកសិក្សា ដែលមិនផ្តល់ភស្តុតាង នៃវត្តមានស្របច្បាប់នឹងមិនត្រូវបានចុះឈ្មោះដោយស្វ័យប្រវត្តិដើម្បីបោះឆ្នោតឡើយ។
ច្បាប់នេះចូលជាធរមាននៅថ្ងៃទី1 ខែកក្កដា ឆ្នាំ2023។
សេចក្តីថ្លែងការណ៍ អំពីការទទួលយក/ការបដិសេធ
ការបោះឆ្នោតទទួលយក (YES VOTE) នឹងរក្សាច្បាប់នេះ ដែល[ច្បាប់នេះ]នឹងអនុញ្ញាតឱ្យអ្នករស់នៅរដ្ឋ ម៉ាសាជូសេត ដែលមិនអាចផ្តល់ភស្តុតាងនៃការរស់នៅដោយស្របច្បាប់ នៅក្នុងសហរដ្ឋអាមេរិក ទទួលបានប័ណ្ណបើកបរ ឬលិខិតអនុញ្ញាត ប្រសិនបើពួកគេបំពេញតាមតម្រូវការផ្សេងទៀតសម្រាប់ការស្នើសុំប័ណ្ណបើកបរ ឬលិខិតអនុញ្ញាត។
ការបោះឆ្នោតបដិសេធ (NO VOTE) នឹងលុបចោលច្បាប់នេះ។
អំណះអំណាង
ដូចបានចែងដោយច្បាប់ ទឡ្ហីករណ៍ 150 ពាក្យ ត្រូវសរសេរដោយ ដោយអ្នកគាំទ្រ និង អ្នកបដិសេធលើ សំណួរនីមួយៗ និងឆ្លុះបញ្ចាំងពី ទស្សនៈរបស់ពួកគេ។ ខំមិនវែលនៃ រដ្ឋម៉ាសាជូសេត ពុំបានគាំទ្រចំពោះ ទឡ្ហីករណ៍ទាំងនេះទេ ហើយក៏ មិនបញ្ជាក់ពីការពិត ឬ ភាពត្រឹមត្រូវច្បាស់លាស់នៃ សេចក្ដីថ្លែងការដែលបានធ្វើឡើងនៅក្នុង ទឡ្ហីករណ៍ទាំងនេះដែរ។ ឈ្មោះរបស់ បុគ្គល និង ស្ថាប័នដែល បានសរសេរសេចក្ដីថ្លែងការនីមួយៗ និងមតិយោបល់ ជាលាយលក្ខណ៍អក្សរណាមួយពីអ្នកដទៃផ្សេងទៀត អំពីសេចក្ដីថ្លែងការណ៍នីមួយៗ ត្រូវបានរក្សាទុកនៅការិយាល័យ លេខាធិការ
ខំមិនវែល។
បោះឆ្នោតគាំទ្រ៖ ការបោះឆ្នោតគាំទ្រនឹងរក្សាទុកច្បាប់ដែលអនុញ្ញាតឲ្យអ្នកបើកបរគ្រប់រូបនៅក្នុងរដ្ឋម៉ាសាជូសេត ទទួលបានការវាយតម្លៃសមស្របសម្រាប់ប័ណ្ណបើកបរ (ដោយផ្តល់ភស្តុតាងបញ្ជាក់អត្តសញ្ញាណ ថ្ងៃខែឆ្នាំកំណើត និងការស្នាក់នៅ) ជាប់ការធ្វើតេស្តដែលចាំបាច់ និងទិញធានារ៉ាប់រង ដោយមិនគិតពីស្ថានភាពអន្តោប្រវេសន៍នោះទេ។
ការបោះឆ្នោតគាំទ្រមានន័យថា ផ្លូវកាន់តែមានសុវត្ថិភាព និងមានមធ្យោបាយកាន់តែល្អប្រសើរសម្រាប់ផ្នែកពង្រឹងការអនុវត្តច្បាប់ធ្វើកិច្ចការរបស់ពួកគេ។ នៅក្នុងរដ្ឋទាំង 17 ដែលមានច្បាប់ប្រហាក់ប្រហែលនេះ ការអនុវត្តច្បាប់នោះបាននាំមកនូវការថយចុះចំនួនអ្នកបើកបរដែលគ្មានការធានារ៉ាប់រង និងគ្រោះថ្នាក់ប៉ះទង្គិចគ្នារួចរត់គេចខ្លួន។ នោះជាមូលហេតុដែលវិធានការនេះត្រូវបានយល់ស្របដោយមន្ត្រីពង្រឹងការអនុវត្តច្បាប់ជាង 60 រូបទូទាំងរដ្ឋ ដែលភាគច្រើនរួមមាន តម្រួតប្រចាំតំបន់ មេធាវីមណ្ឌល និងនាយប៉ូលីសសរុប 42 រូបនៅក្នុងសមាគមនាយប៉ូលីសប្រចាំទីក្រុងធំៗនៅក្នុងរដ្ឋម៉ាសាជូសេត។
ការបោះឆ្នោតគាំទ្រ ជួយឲ្យគ្រួសារនិងបុគ្គលិក ដោយធានាបានថាពួកគេអាចបើកបរយ៉ាងស្របច្បាប់ទៅកាន់សាលារៀននិងកន្លែងធ្វើការ។ សមហេតុផលសម្រាប់ពួកយើងទាំងអស់គ្នា។
នេះគឺជាអ្វីដែលច្បាប់នៅរដ្ឋម៉ាសាជូសេតបានចែង ហើយការបោះឆ្នោតគាំទ្រនឹងរក្សាទុកច្បាប់នេះ។
Franklin Soults
គាំទ្រលេខ 4 សម្រាប់ផ្លូវកាន់តែមានសុវត្ថិភាព
P.O. Box 15 Readville, MA 02137
Saferroadsma.com
នៅក្នុងសារបដិសេធលើសេចក្តីព្រៀងច្បាប់នេះ លោកអភិបាល Charlie Baker បានប្រកាសថា ការិយាល័យចុះបញ្ជីយានយន្តមិនមានសមត្ថភាព ឬជំនាញដែលចាំបាច់ដើម្បីផ្ទៀងផ្ទាត់ឯកសារពីប្រទេសផ្សេងៗទៀតនោះទេ និងបញ្ជាក់ថា ប្រសិនបើសេចក្តីព្រៀងច្បាប់នេះក្លាយជាច្បាប់វិញនោះ ប័ណ្ណបើកបរក្នុងរដ្ឋម៉ាសាជូសេត នឹងលែងបញ្ជាក់អះអាងថា បុគ្គលម្នាក់ជាមនុស្សដែលពួកគេបញ្ជាក់ទទួលស្គាល់ជានរណាតទៅទៀត។
ម្យ៉ាងទៀត លោកអភិបាល Baker បញ្ជាក់ថា សេចក្តីព្រៀងច្បាប់នេះដាក់កំហិតជាក់លាក់ទៅលើសមត្ថភាពរបស់ការិយាល័យចុះបញ្ជីនោះនៅក្នុងការចែករំលែកព័ត៌មានសញ្ជាតិទៅដល់អង្គភាពដែលទទួលខុសត្រូវលើការធានាថាមានតែពលរដ្ឋប៉ុណ្ណោះទើបអាចចុះឈ្មោះបោះឆ្នោត និងបោះឆ្នោតនៅក្នុងការបោះឆ្នោតរបស់យើងបាន ដែលនេះអាចនាំមកនូវលទ្ធភាពកាន់តែខ្ពស់ដល់ជនដែលមិនមែនជាពលរដ្ឋនៅក្នុងការចុះឈ្មោះបោះឆ្នោត។
សេចក្តីព្រៀងច្បាប់នេះ ពិតជាមិនមានយុត្តិធម៌ចំពោះអ្នកដែលបានចំណាយពេលធ្វើអន្តោប្រវេសន៍ចូលមកកាន់មហាប្រទេសរបស់យើងតាមរយៈមធ្យោបាយស្របច្បាប់នោះទេ និងធ្វើឲ្យមានការធ្លាក់ចុះគួរឲ្យកត់សម្គាល់នូវសុវត្ថិភាពសាធារណៈរបស់អ្នករស់នៅក្នុងរដ្ឋខំមិនវែល។
យើងសូមអំពាវនាវឲ្យមានការបោះឆ្នោតបដិសេធសេចក្តីព្រៀងច្បាប់នេះ។
John Milligan
ផ្នែកយុត្តិធម៌និងសុវត្ថិភាពរដ្ឋម៉ាសាជូសេត (Fair and Secure Massachusetts)
ប្រអប់សំបុត្រប្រៃសណីយ៍ 116
North Andover, MA 01845
781-819-3201។
FairandSecureMA.com